Před zachodom do cyrkwje steji narowny pomnik serbskeho basnika a měšnika Jakuba Barta-Ćišinskeho (1856–1909), kotryž zhotowi pólski wuměłc Władysław Tumkiewicz po motiwach serbskeho molerja Jana Buka. Postajeny bu zornowcowy pomnik při składnosći 50. posmjertninow basnika.
![narowny pomnik Jakuba Barta-Ćisinskeho](http://wotrow.de/wp-content/uploads/2016/01/Cisonski-208x300.jpg)
narowny pomnik Jakuba Barta-Ćisinskeho
Na zornowcowej tafli na sćěnje su naličeni měšnicy, kotřiž buchu tu hač do lěta 1964 pochowani. Na južnej stronje je row fararja dr. Rudolfa Kilanka; wón pochadźeše z Kanec a bě we Wotrowje z fararjom mjez 1995 a 2004.
![sgrafitto](http://wotrow.de/wp-content/uploads/2016/01/Friedhof_Engel1-300x225.jpg)
sgrafitto
Na sewjernej stronje kěrchowa da farar Mikławš Just w lěće 1963 na swisle susodneho pódlanskeho twarjenja připrawić sgrafito, kotryž pokazuje trubjaceho jandźela.
Na wonkownej cyrkwinskej muri připrawjeny swjaty křiž z napismom “Wumóž swoju dušu!” dopomina na swjaty mision we Wotrowje w lěće 1923.